Nhar it-Tnejn 23 ta' Frar 2004, il-kunsill Lokali ta' Sannat organizza Lejla Karnivaleska fil-pjazza tar-raħal. Id-defile beda minn Triq Sannat fis-6.30 ta' filgħaxija. Ħadet sehem il-banda Santa Margerita Ta' Sannat li daqqet marċi bit-tema tal-karnival, akkumpanjata minn diversi karrijiet trijunfali, li taw dehra mill-aqwa bil-kuluri, bil-movimenti, u bil-briju li ħolqu.

Fil-pjazza sar spettaklu ta' żfin minn diversi kumpaniji minn ta' Sannat u anke minn diversi irħula u skejjel madwar Għawdex. Bla dubju bħal kull sena ħadet sehem il-kumpanija ta' l-Għaqda Drammatika ta' Sannat li din is-sena rebħet il-kategorija tal-kostum u anke taż-żifna. L-ispettaklu u l-kuluri kien mill-aqwa, xi ħaga li tagħmel kurraġġ lill-Kunsill biex jibqa jorganizza din l-attivita.

Saret ukoll kompetizzjoni għall-aħjar kostum, għal parteċipanti mir-raħal u għal oħrajn barra mir-raħal. Kompetizzjoni oħra saret għal maskarat spontanju. Fi tmiem ta' l-attivita s-sindku s-sur Carmel Camilleri ippreżenta t-trofejs lir-rebbieħa ta' kull kategorija. Biex taraw ir-ritratti u 'video clips' ta' din l-attivita tistaw tidħlu fil-website:

• Dun Anton Bajada
• Bajada Joe
• Muscat Charlie
• Patrick Grima
• Buttiġieġ Michael
• Arċipriet Mons. Tarċisju Camilleri
• Muscat Carmen
• Muscat Lawrence
• Sannat Lions F.C.
• Mons Lawrence Sciberras
• Gauci Ġorġina
• Mons Anton Saliba.

• Tournament professjonali tas-snooker fuq il-mejda tal-każin tal-Banda Santa Margerita.
• Tournament tal-futball bejn ex-players
• Tournament għan-nurseries Għawdxin. Il-logħob kollu intlagħab fil-ground 'five aside' b'turf artifiċjali li sar riċentament mill-kumitat ta' Sannat Lions.
• Sports Day bil-kollaborazzjoni tal-kunsill skolastiku. Il-logħob kollu sar fil-ground tal-iskola Primarja Profs. Ġuże Aquilina. Ħadu sehem l-istudenti kollha taa l-iskola, inkluż l-istudenti bi bżonnijiet speċjali li jattendu f'din l-iskola.
• Lezzjonijiet tal-Aerobics, li kienu miftuħin għal-ġenituri u saru fil-gym tal-iskola Primarja ta' Sannat.

• Bil-kollaborazzjoni mal-kunsill skolastiku ġiet organizzata ġurnata ta' tagħlim u informazzjoni dwar il-ħidma ta' persuni fis-salvataġ u l-ħarsien tas-saħħa taċ-ċittadini. L-attivita saret fil-ground tal-iskola. Ħadu sehem il-grupp militari Taljan f'Malta li anke niżżel b'ħila kbira l-helicopter fil-ground tal-iskola, id-dipartiment tal-protezzjoni ċivili u r-Red Cross. L-istudenti ġew imdawra mal-helicopter u ingħataw spjegazzjoni dwar ix-xogħol ta' dawn is-suldati. Ingħataw wirja ta' salvataġġ mill-grupp tal-protezzjoni ċivili, flimkien mal-paramediċi tar-red cross.
• Matul il-vaganzi tas-sajf ġiet organizzata story telling għat-tfal ta' bejn it-tlett snin u s-seba' snin.
• Saru korsijiet fil-ganutel, parċmina u flower arrangement.
• Flimkien mal-Kunsill Lokali tal-Kalkara ittellgħet wirja ta' xogħlijiet tal-idejn. Hadu sehem diversi persuni miż-żewġt irħula, fejn preżentaw diversi xogħlijiet sbieħ, fosthom xogħol fl-injam, pittura, bizzilla, parċmina, ganutel, u stained glass. Il-wirja ġiet innawgurata mis-Sindku ta' Sannat is-Sur Carmel Camilleri u s-Sindku tal-Kalkara s-Sur Michael Cohen.
• Bil-kollaborazzjoni mal-għaqda drammatika Sannat ġie imtella' l-musical Margeritaa kliem u mużika ta' Daniel Borġ. Ħadu sehem diversi atturi żgħar u kbar li taw preżentazzjoni impekkabli.
• Sar il-marċ popolari taż-zgħażagħ, bis-sehem tal-banda Santa Margerita.
• Ġiet ippubblikata t-tieni ħarġa tal-magazine tal-kunsill 'Mill-Qalba tar-Raħal'. Mimli nformazzjoni dwar il-ħidma tal-kunsill u b'informazzjoni dwar is-servizzi li joffri.

Fl-ewwel ġimgħa ta’ Settembru l-Kunsill organizza Barbeque għall-anzjani fil-bajja ta’ Mġarr ix-Xini.

Fix-xahar ta’ Ottubru, il-Kunsill bil-kollaborazzjoni mad-Dipartiment tas-Saħħa, offra b’xejn it-Tilqim ta’ l-Influenza għal-anzjani l-fuq minn 65 sena, għall-persuni b’diżabilita jew b’mard kroniku. It-tilqim ingħata fil-berġa tar-raħal u f’ċerti ċirkostanzi ngħata fid-djar ta’ l-individwu.

Fit-Tieni ġimgħa ta’ Diċembru, il-Kunsill flimkien mal-Kunsill Skolastiku tellgħa wirja ta’ Presepji fis-Sala ta’ l-Iskola Primarja Profs Ġuże Aquilina. Il-presepji saru mill-istudenti flimkien mal-ġenituri tagħhom. Ħadu sehem il-fuq minn 170 student. Kien hemm presepji b’diversi temi, disinni u magħmula minn materjal divers. 44 presepju ġew magħżula mill-Għaqda Ħbieb tal-Presepju biex itellgħu għal wiri fis-Sala tal-Ministeru għal Għawdex. Il-parteċipanti ingħataw ktieb u ċertifikat bħala tifkira.

Fis-16 ta’ Diċembru l-Kunsill ġie mistieden biex jieħu sehem fil-’Prize Day’ fl-iskola Primarja Ta’ Sannat. Bħal kull sena il-Kunsill jofri kotba li jiġu mqassma mis-Sindku għal din l-okkażżjoni.

Nhar it-Tlieta 21 ta’ Diċembru 2004 l-anzjani ttieħdu iżuru diversi presepji kemm statiċi kif ukoll mekkaniċi, li kienu esebieti madwar il-Gżira Għawdxija. Wara ittieħdu jieklu fir-’Respite Centre’ Għ’Sielem, fejn anke ġew mdawwra mal-bini u ġie spjegat lilhom is-servizzi li jiġu offruti f’dan iċ-ċentru.

Matul il-jiem tal-festi tal-Milied ul-Ewwel tas-Sena bħal snin qabel ġew mqasma hampers lill-anzjani tar-raħal tagħna.

Nhar it-Tlieta 28 ta’ Diċembru, il-Kunsill Lokali bil-kollaborazzjoni tal-Kunsill Parrokjali organizza l-party tal-Milied għat-tfal tar-raħal.

Nhar it-Tlieta 28 ta’ Diċembru 2004 ġie mtella’ il-25 Festival tal-Korijiet tal-Milied fil-Knisja Parrokjali ta’ Sannat. Din l-attivita kienet organizzata mis-Segretarjat għall-Edukazzjoni u Kultura tal-Kurja ta’ Għawdex. Ħadu sehem 7 korijiet minn diversi irħula madwar Għawdex li kantaw diversi biċċiet mużikali u anke carols li jgħoddu għal dawn iż-żmenijiet ta’ festi.