1. Fejn jinsab Sannat?
2. Għala Sannat?
3. X'kien l-oriġini ta' Sannat?
4. X'inhuwa l-Kunsill Lokali Sannat?
1. Fejn jinsab Sannat?
Sannat, li huwa wieħed mill-erbatax lokalitajiet f'Għawdex, imiss mal-Baħar Mediterran u jibda fit-truf tal-wita li tinżel ħelu ħelu mir-Rabat, il-Belt tal-gżira Għawdxija u jinsab viċin tal-lokalitajiet tal-Munxar u x-Xewkija. Għandu daqs ta' 3.770 km kwadri.
Lura l'fuq
-----------------------------------------------------------------------
2. Għala Sannat?
In-nisel ta'l-isem Sannat m'huwiex magħruf iżda skond ħafna studjuzi Maltin u barranin dan l-isem ġej minn kelma sined li tfisser ġenb ta' għolja, ftit li xejn wieqfa, għall-kenn mill-irjieħ, imtarraġ u mqassam f'raba mżerżaq.
Lura l'fuq
-----------------------------------------------------------------------
3. X'kien l-oriġini ta' Sannat?
Sannat jaf l-oriġini tiegħu minn żmien il-pre-istorja. Dan nafuh minn fdalijiet u siti f' Ta' Cenc.
Lura l'fuq
-----------------------------------------------------------------------
4. X'inhuwa l-Kunsill Lokali Sannat?
Permezz ta' l-Att dwar il-Kunsill Lokali (1993) Sannat kien wieħed minn fost 67 lokalita' ohra madwar Malta u Għawdex li ngħata l-faċilita' li jkollu l-Kunsill tiegħu. L-ewwel elezzjonijiet saru nhar is-Sibt 19 ta' Marzu 1994. Il-Kunsill Lokali Sannat huwa l-Gvern Lokali responsabbli minn diversi affarijiet fosthom iż-żamma u l-manutenzjoni tal-lokalita'. L-uffiċċju Amministrattiv tal-Kunsill jinsab fi Triq Sannat. F'kull elezzjoni li ssir kull tlett snin ir-residenti jeleġġu ħames Kunsilliera li wara l-istess Kunsilliera jeleġġu minn fosthom lis-Sindku u lill-Viċi Sindku li huma flimkien ma sħabhom il-Kunsilliera huma responsabbli mit-twettieq ta' policy għall-lokalita'.
L-eżekuzzjoni tal-policies tal-Kunsill jitwettqu mis-Segretarju Eżekuttiv tal-Kunsill bl-għajnuna ta' l-Uffiċjal Eżekuttiv tal-Kunsill.
Lura l'fuq
-----------------------------------------------------------------------
|
